• English
  • Հայերեն

    • «Մասնակցային մոնիտորինգ` հանուն որակյալ կոմունալ ծառայությունների Գյումրիում» ծրագրի արդյունքների ներկայացման ամփոփիչ միջոցառում

    Ս.թ.  մայիսի  10-ին, Նանե հյուրանոցի մեծ դահլիճում  տեղի  ունեցավ «Մասնակցային մոնիտորինգ` հանուն որակյալ կոմունալ ծառայությունների Գյումրիում» ծրագրի արդյունքների ներկայացման ամփոփիչ միջոցառումը:

    Միջոցառման ընթացքում ներկայացվեցին Գյումրիում աղբահանության և լուսավորության ոլորտում իրականացված   մոնիտորինգի արդյունքները, տեղի ունեցավ արդյունքներն ամփոփող  զեկույցների շնորհանդեսը (զեկույցների հղումները տես ներքևում)։ Արդյունքների ներկայացմանը հաջորդեց ակտիվ հարցուպատասխան քննարկում, արտահայտվեցին կարծիքներ,  հնչեցին առաջարկներ,  ուրվագծվեցին առաջիկա անելիքները:

    Միջոցառմանը ներկա էին Գյումրու ավագանու անդամներ, Շիրակի մարզպետարանի և Գյումրու համայնքապետարանի, նշված ոլորտներում գործող համայնքապատկան  կառույցների,  ՔՀԿ-ների  բիզնես ոլորտի ներկայացուցիչներ, քաղաքացի մոնիտորներ և այլ հետաքրքրված անձիք:

    Հիշեցնենք,  որ ծրագիրն իրականացվել է «Թրանսփարենսի Ինթերնեշնլ հակակոռուպցիոն կենտրոն»  ՀԿ կողմից իրականացվող «Պահանջատեր հասարակություն՝ հանուն պատասխանատու կառավարման» ծրագրի շրջանակներում: Նախաձեռնությունը հնարավոր է դարձել ԱՄՆ Միջազգային զարգացման գործակալության
    ֆինանսավորմամբ:

    Միջոցառման տեսագրությունը կարող եք դիտել այստեղ։